ਪਿੰਡ-ਪਿੰਡ ਸਾਡੇ ਕੰਮ ਦੀਆਂ ਝਲਕਾਂ
ਪ੍ਰਧਾਨ ਰੂਨਾ ਰਾਜਪੂਤ ਜੀ ਦੀ ਅਗਵਾਈ ਹੇਠ ਸੰਸਥਾ ਪਿੰਡ-ਪਿੰਡ ਜਾ ਕੇ ਲੋੜਵੰਦ ਪਰਿਵਾਰਾਂ ਅਤੇ ਬੀਬੀਆਂ ਤੱਕ ਪਹੁੰਚ ਰਹੀ ਹੈ।
ਪ੍ਰਧਾਨ ਰੂਨਾ ਰਾਜਪੂਤ ਜੀ ਦੀ ਅਗਵਾਈ ਹੇਠ
18 ਅਗਸਤ 2024 ਨੂੰ ਪਿੰਡ ਮੁੱਦਕੀ ਵਿਖੇ ਹੋਈ ਮੀਟਿੰਗ ਵਿੱਚ ਪਿੰਡ ਦੀਆਂ ਬੀਬੀਆਂ ਨਾਰੀ ਸ਼ਕਤੀ ਸਮਾਜ ਸੇਵੀ ਸੰਸਥਾ ਨਾਲ ਜੁੜੀਆਂ। ਇਸ ਮੌਕੇ ਗ਼ਰੀਬ ਘਰਾਂ ਦੀਆਂ ਬੀਬੀਆਂ ਤੱਕ ਸਹੂਲਤਾਂ ਪਹੁੰਚਾਉਣ ਬਾਰੇ ਖੁੱਲ੍ਹ ਕੇ ਗੱਲਬਾਤ ਕੀਤੀ ਗਈ, ਤਾਂ ਜੋ ਉਹ ਆਤਮ-ਨਿਰਭਰ ਬਣ ਸਕਣ ਅਤੇ ਸਨਮਾਨ ਨਾਲ ਜੀਵਨ ਜੀਅ ਸਕਣ।
ਪ੍ਰਧਾਨ ਰੂਨਾ ਰਾਜਪੂਤ ਜੀ ਦੀ ਅਗਵਾਈ ਹੇਠ
18 ਅਪ੍ਰੈਲ 2024 ਨੂੰ ਨਾਰੀ ਸ਼ਕਤੀ ਸਮਾਜ ਸੇਵੀ ਸੰਸਥਾ ਵੱਲੋਂ ਖਾਈ ਫੇਮੇ ਕੀ ਦੀ ਇੰਦਰਾ ਕਲੋਨੀ ਵਿਖੇ ਲੋੜਵੰਦ ਪਰਿਵਾਰਾਂ ਨੂੰ ਰਾਸ਼ਨ ਵੰਡਿਆ ਗਿਆ ਅਤੇ ਬੀਬੀਆਂ ਨਾਲ ਉਹਨਾਂ ਦੀਆਂ ਲੋੜਾਂ ਬਾਰੇ ਗੱਲਬਾਤ ਕੀਤੀ ਗਈ।
ਪ੍ਰਧਾਨ ਰੂਨਾ ਰਾਜਪੂਤ ਜੀ ਦੀ ਅਗਵਾਈ ਹੇਠ
12 ਅਪ੍ਰੈਲ 2024 ਨੂੰ ਨਾਰੀ ਸ਼ਕਤੀ ਸਮਾਜ ਸੇਵੀ ਸੰਸਥਾ ਵੱਲੋਂ ਪਿੰਡ ਮੱਲਾਂਵਾਲਾ ਵਿਖੇ ਲੋੜਵੰਦ ਪਰਿਵਾਰਾਂ ਨੂੰ ਰਾਸ਼ਨ ਵੰਡਿਆ ਗਿਆ। ਸਿਰਫ਼ ਚਾਰ ਦਿਨ ਪਹਿਲਾਂ ਹੋਈ ਮੀਟਿੰਗ ਵਿੱਚ ਪਿੰਡ ਵਾਸੀਆਂ ਵੱਲੋਂ ਰੱਖੀ ਗਈ ਮੰਗ ਨੂੰ ਸੰਸਥਾ ਨੇ ਤੁਰੰਤ ਪੂਰਾ ਕੀਤਾ।
ਪ੍ਰਧਾਨ ਰੂਨਾ ਰਾਜਪੂਤ ਜੀ ਦੀ ਅਗਵਾਈ ਹੇਠ
12 ਅਪ੍ਰੈਲ 2024 ਨੂੰ ਸੰਸਥਾ ਵੱਲੋਂ ਪਿੰਡ ਸੂਬਾ ਕਾਹਨ ਚੰਦ ਵਿਖੇ ਲੋੜਵੰਦ ਪਰਿਵਾਰਾਂ ਨੂੰ ਰਾਸ਼ਨ ਵੰਡਿਆ ਗਿਆ, ਤਾਂ ਜੋ ਕੋਈ ਵੀ ਘਰ ਭੁੱਖਾ ਨਾ ਰਹੇ।
ਪ੍ਰਧਾਨ ਰੂਨਾ ਰਾਜਪੂਤ ਜੀ ਦੀ ਅਗਵਾਈ ਹੇਠ
11 ਅਪ੍ਰੈਲ 2024 ਨੂੰ ਨਾਰੀ ਸ਼ਕਤੀ ਸਮਾਜ ਸੇਵੀ ਸੰਸਥਾ ਵੱਲੋਂ ਪਿੰਡ ਬੀੜ ਵਿਖੇ ਸਿਲਾਈ ਸੈਂਟਰ ਖੋਲ੍ਹਣ ਲਈ ਮੀਟਿੰਗ ਕੀਤੀ ਗਈ, ਤਾਂ ਜੋ ਪਿੰਡ ਦੀਆਂ ਬੀਬੀਆਂ ਹੁਨਰ ਸਿੱਖ ਕੇ ਰੁਜ਼ਗਾਰ ਹਾਸਲ ਕਰ ਸਕਣ ਅਤੇ ਆਪਣੇ ਪੈਰਾਂ 'ਤੇ ਖੜ੍ਹੀਆਂ ਹੋ ਸਕਣ। ਇਸ ਮੌਕੇ ਪਿੰਡ ਦੀਆਂ ਲੋੜਵੰਦ ਬੀਬੀਆਂ ਨੂੰ ਰਾਸ਼ਨ ਵੀ ਵੰਡਿਆ ਗਿਆ।
